منتدى اللاعب الفنان محمد ابوتريكه

منتدى اللاعب الفنان محمد ابوتريكه

جميع اخبار الاعب الفنان ابوتريكه
 
الرئيسيةالبوابة*اليوميةس .و .جبحـثالأعضاءالمجموعاتالتسجيلدخولمكتبة الصور

شاطر | 
 

 محتاجين جميع الاعضاء لنشعر اننا نحيا!(بدا النقاش-اليأس ام الامل الاحساس الذى تفرضه علينا احوال مصر)

اذهب الى الأسفل 
انتقل الى الصفحة : الصفحة السابقة  1, 2, 3, 4, 5, 6, 7, 8, 9  الصفحة التالية
كاتب الموضوعرسالة
lo2a
مشرفةمشرفة
avatar

انثى عدد الرسائل : 1849
العمر : 27
المكان : في ستوديو البرنامج بتاعي
اللاعب المفضل : أكيد أبو تريكه
ناديك المفضل : الأهلي
نقاط : 267
السٌّمعَة : -1
تاريخ التسجيل : 17/11/2007

نقاط العضو
تقاط التمييز: 70
08072009
مُساهمةمحتاجين جميع الاعضاء لنشعر اننا نحيا!(بدا النقاش-اليأس ام الامل الاحساس الذى تفرضه علينا احوال مصر)


بدايه الكلام سلام
:rt:
"انا أفكر إذا انا موجود"
قالها ديكارت و ظلت حتى يومينا هذا تردد في جميع انحاء العالم
و لكن ان تأملنا اوضاعنا العلميه و الفكريه في مصر و خاصا في المدارس فسنجد ان هذه الجمله مجرد شعار فحسب ليس اكثر و لا اقل
فسؤال مارأيك؟؟؟ في الامتحان اجابته معروفه و محفوظه لدى الطالب
اى اننا قلما ما نشكل رايا صحيحا و كاملا
و لذلك هذا الموضوع لكي نناقش كل اسبوع قضيه جديده
واعلم ان الكثير منكم سيقول لى ان هناك مقهى الاعضاء و غيره من المواضيع التى يتم فيها النقاش
و لكن هذه المواضيع غالبا ما ينقلب الحوار الى هزار و البعد عن الموضوع الاساسي

فقررت
- و تسمحوا لى- ان يكون هذا الموضوع لطرح قضيه ما يتفق عليها الاعضاء كل اسبوع و نتفق ايضا ع مدير الحوار فهو الذي يسال الاسئله و ينظر للقضيه من جهات و زوايا مختلفه و يطرح الاسئله
و المسئول عن الحوار يختار من بعضه عضو اخر لإداره الحوار و يتم اختيار قضيه اخرى لمناقشتها
و هكذا
و ممكن ان يجدد لمدير الحوار اسبوع اخر اذا نال اعجاب الاعضاء
و هذا الموضوع يحتاج مشاركه فعاله و قويه فلندعوا جميع الاعضاء والمشرفين والإدارين ايضا لتبادل اطراف الحوار الجاد
فلنفكر لنشعر اننا نحيا


ملحوظه:اختلاف الراى لا يفسد للود قضيه و اذا اشتد الحوار فعلى المسئول عنه التدخل في الحال
و ليس في حاجه بالطبع الى تاكيد عدم التطاول في الحوار

وشكرااااااااااااااااااااااااااا

:thanks:

_________________

[b]ابو تريكه....
اذا سمى التواضع سمى بإسمك
و إذا سكنت الطيبه مكانا سكنت قلبك
و اذا جمع كلامك في كلمه فتكون الحمد الله


عدل سابقا من قبل lo2a في الإثنين 10 أغسطس - 14:51 عدل 5 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مُشاطرة هذه المقالة على: diggdeliciousredditstumbleuponslashdotyahoogooglelive

محتاجين جميع الاعضاء لنشعر اننا نحيا!(بدا النقاش-اليأس ام الامل الاحساس الذى تفرضه علينا احوال مصر) :: تعاليق

بسم الله


اخيرا فى نهاية هذه الحلقة التى كانت بعنوان(المعاكسات والتحرش الجنسى)

اقول يارب ارزقنا الايمان الموصل الى رضاك واليقين المؤدى الى فضلك ورحماك

واجعل مجتمعا ذكرا لك...شاكرا لنعمك واسبغ علينا من كريم جودك ومننك,ويارب احفظ واحمى شبابانا وبنات المسلمين يارب العالمين

واود ايضا ان اشكر ضيوف هذه الحلقة وهم:...

1-محمد ابوعوف

2-لوءة

3-مجنونة ابوتريكة

4-سارة

5-زهرة

6-فداك روحى يا حبيب الله



واخر دعونا ان الحمدلله رب العالمين..وصلى اللهم وسلم وبارك على سيدنا محمد وعلى اله وصحبه اجمعين.......

كانت مقدمة الحلقة....Maryam Aboelinin





دا انا اخد مقلب فى روحى وبقيت مذيعة :)



يلا يا سمسم ابدى الحلقة,,,,,,,,
انا؟؟؟
والله انتى فاجئتينى يا مريومه
بس اوك انا موافقه :)
ثوانى احضر المقدمه عشان نبدأ النقاش
بسم الله الرحمن الرحيم

نناقش هذه الحلقه مشكله من المشاكل التى نراها كثيرا
عنوان هذه الحلقه ( اهدار حقوق العرب والمسلمين بالخارج)

هذه المشكله لم ولن نعانى منها فى الوقت الحاضر فقط
بل عناينا منها فى الماضى ومن المتوقع اننا سنظل نعانى منها فى المستقل
(ربنا يستر علينا من السنين الجايه)

وكما قلت نتحدث اليوم عن اهدار حقوقنا بالخارج وتحديدا اقصد بالخارج
دول اوربا والولايات المتحده الامريكيه

يعانى المسلمين منذ ظهور الاسلام للعنف والتعذيب
حتى دلوقتى رغم تقدم الدول والتكنولوجيا وتوسع افكار وتعليم الناس وانتشار السلام فى معظم الدول
:idea:

ولكن
اللى فى القلب فى القلب
ومن الحوادث التى يتعرض لها العرب والمسلمين التحرش بالمسلمات و الاساءة والاهانه لهم بالالفاظ المسيئه والرسوم المسيئه ايضا التى اعتدوا بها على المسلمين وعلى اشرف الخلق اجمعين وخاتم النبين (اللهم صلي وسلم وبارك عليه)
واخر ما سمعناه هو التعرض لهم بالقتل
واخر حادثه سمعناها حادثه الدكتورة المصريه مروة الشربينى الله يرحمها
وزوجها المقيمين بألمانيا
جميعنا سمعنا هذه القصه وانتشرت على الانترنت ووسائل الاعلام وجروبات على الفيس ومش عارف ايه وحاجه جامده يعنى
ولكن ياترى يا هل ترى
ايه اللى حصل
خبطنا دماغنا فى الحيط
حسبنا الله ونعم الوكيل
المهم
لا احب انا اطيل عليكم فى الكلام
ونبدأ بفتح باب النقاش
عايزين بقى تفاعل من الاعضاء
وشكرا

طبعا مش انتى صاحبة الموضوع بيبقى انتى المديرة
موضوع مهم قوى وخطيرة والمقدمة بتاعتك راااااااااائعة
وفعلا حقوق المسلمين مهدورة فى كل مكان حتى ما بين انفسنا دى حقيقة حتى بين انفسنا
نتكلم اولا عن الحقوق المهدورة بالخارج
نتكلم اولا عن حاجاة حاجة لاننا لو فضلنا نتكلم عن حاجة حاجة عن الحقوق المسلمين مش هنخلص
ممكن تسمحوا اننا نتكلم اولا عن الاساءة للرسول صلى الله عليه وسلم
اذا سمحتم بهذا فدعونا نتكلم ونتناقش
وانتظر الرد...
انا موافقه يا مريومه نبدأ بالاساءه الى الرسول ( صلى الله عليه وسلم)
بسم الله الرحمن الرحيم


( ولن ترضى عنك اليهود ولا النصارى حتى تتبع ملتهم )
هوده السبب سبب كره الغرب لنا هوانهم يهود او نصارى وهى طبيعة مجبولين عليها وهه الطبيعة هى كرههم للاسلام وللمسلمين
الحقيقة ان فى كل البلاد اللى بيحصل فيها كده بيكون السبب الدفين وراء اى سبب معلن فى الحوادث اللى زى بتاعة الدكتورة دى هو كرههم للاسلام وللمسلمين
لكن فى سبب تانى وده الاهم وده اللى احنا مش واخدين بالنا منه ولا حد من المسلمين كلهم واخد باله منه السبب ده هو ان المسلمين بيرضوا بالتنازل عن مبادئهم ولو كان هذا التنازل بسيط جدا ولكن التنازل معروف انه (بيبدأ بخطوة )
المسلم لو فضل معتز بدينه ايا كانت الظروف وايا كانت العقبات وايا كانت البلاد الموجود بها المسلم
المسلم المعتز بدينه يخشاه الجميع ولا يخشى من احد
المسلم المعتز بدينه يحرسه العظيم الكبير (سبحانه وتعالى )
المسلم المعتز بدينه يستلهم عزته من عزة خالقه وراعى هذا الدين
امثله كثيرة عاشت فى الغرب ولاعتزازها بدينها واعتزازها بمبادئها وصل الحد الى ان البلاد التى يعيشون فيها لا تستطيع ان تستغنى عنهم والسبب التمسك بالدين قال تعالى ( فان زللتم من بعد ما جاءتكم البينات فاعلموا ان الله عزيز حكيم )
وقال تعالى ( ان العزة لله جميعا )
لازم المسلم يعيش باروح دى روح ان الله هو الاعز وهو المعز وهو المذل وان ننصر ربنا ينصرنا فى حياتنا والنصر ليس مقصورا على الحروب فقط فمن النصر عزتنا وقت ان نكون فى بلد غير بلدنا
بيتهيالى ان كلامى خلص باختصار ان ننصر ربنا ينصرنا وان ابتغينا العزة فى ترك نصرنا لربنا وتمسكنا بدينه فلن ينالنا الا الذلة دنويا واخرويا
والمسلم اللى عايش بره المفروض يعيش فى كل جوانب حياته بمقولة سيدنا عمر ( نحن قوم اعزنا الله بالاسلام فان ابتغينا العزة فى غيره اذلنا الله )
وبالنسبة للعرب غير المسلمين عزتهم هياخدوها من عزة الاسلام وعزة المسلمين
مينفعش ان حد فى موقف معين يتنازل عن جزءولو بسيط من مبدا هو ماشى عليه وهو من تعاليم الاسلام
اسف لو انا طولت او بقول كلام مش اد كده لكن اتمنى تكون فكرتى وصلت
عزتنا فى الخارج بمحافظاتنا على عزتنا الداخلية
وباهانتنا لانفسنا نقوم باهانة نبينا صلى الله عليه وسلم وحتما لم ولن يصيبه مكروه بل يصيبنا نحن لاننا لم نرعى حقه فينا حديثنا القادم عن الاساءة للرسول صلى الله عليه وسلم
والله يا محمد معاك حق فى كل كلمه قولتها
بس مش احنا اللى بنتنازل عن مبدأنا
الحكومات وحكام المسلمين هما اللى بيتنزلوا عن حقوقنا وعن مبادئينا
وان هما واخدين فكرة انا الارهاب يعنى الاسلام وان الاسلام هو الارهاب
وان دينا هو دين الارهاب
والغلطه ان احنا دايما بنسكت
يملوا العمله ونسكت ولا كأن حاجه
يعنى موضوع الدكتورة بعد الهيصه اللى عملوها
حصل ايه
استفدنا ده حتى الحكومه الالمانيه ماقدمتش اى تعويضات ولا اعتذرت
عشان احنا بالنسبه لهم مجرد كلاب مالناش تمن ولا ديه
شكرا جدااا ليكي يا سلمى ع اقتراح هذا الموضوع الرائع

و فعلا هو موضوع مهم جدااا و خطير
يمكن الواحد مش هيقدر يقول كلام كتييير بعد اللى قاله ابو عوف و لكن خليني اقول ان من اسباب اهانه العرب و الرسول صلى الله عليه و سلم و الاسلام هو عدم احترام الغرب لينا هاديكم مثال بسيط جداا
ايام عبد الناصر كان الغرب بيكروة جدااااااااااااااا و لكن في نفس الوقت بيحترموه الى اقصى الحدود لانهم عارفين انه مخلص لبلده عايزها تبقى حاجه ملتزم بمبادئه و دى النقطه اللىاتكلم فيها ابو عوف
و لكن احنا دلوقتى مش بيحترمونا ابداا لانهم عارقين ان كل اللى بيطلعوا بدافعوا عن العرب منافقين و مش صادقين في كلامهم و افرب مثال موقف وزير الثقافه الحالى لما اعترض ع اسرائيل و افعالها قبل ترشيحه لليونسكو و بعد ترشيحه اعتذر لاسراتئيل و قال مكنش قصدى و زله لسان طب ده يحترموه ازاىو بالتالى لا يحترموا العرب بصفه عامه
مثال تاني لعدم احترام هم للمسلمين اول مره اتهان فيها الرسول صلى الله عليه و سلم المسلمين و الحكومات تجمهروا و اعترضوا و قاطعوا و لكن في المره التانيه لم يعترض المسلمين بنفس القوه و هو ده التانزل عن المبادئ
وطبعا النفاق ده بالنسبه للغرب حاجه بشيعه و احنا هنا عندنا عادى و كل الناس بتتعامل بيه ,
الكذب عند الغرب يعتبر جريمه و هنا نص كلام المسؤلين كدب
و كمان حاجه تانيه تخلى الغرب يستاهن بينا , هما عارفين كويس اووووى ان احنا مبهورين بيهم و شايفينهم حاجه كبيره لازم نبقى زايهم فبيعملوا فينا اللى هما عايزينه
انا اسفه ع الاطاله جدااااااااااااااااااااا و عدم تنصيق طريقه الكتابه و لكن باختصار اللى عايزه اقوله ان من الاسباب :عدم الاحترام لان احنا نفسنا مش محترمين ذاتنا و مش عارفين قدرها
معاكى حق والله يا لوءة هنطلب من غيرنا يحترمنا قبل ما نحترم نفسنا احنا الاول ونعرف ان احنا اعزاء وليس العكس ؟
لابد ان نؤمن بالله ونعتز به ولا نخاف غيره ولنستمد عزتنا من عزته تعالى
يا جماعه بصراحه انا مش بنتقضكم انا شايف ان فيكم ناس بتكلم بكلام هيا مبتعملهوش


وعارف انكم هتزعلو مني بس انا بحب ابقي صريح
وكل كلامكم مفهوش فايده لاي حد في المنتدي ولا هيجيب فايده غير انه دردشه بينكم فقط لاغير
انا بجد بجد مش عارفة اقول ايه بعد ابوعوف وسمسم ولوءة انا جيبت متاخر
بس اللى اقدر اعمله انى ارفع اغنيتن اتعملوا ساعة الاهانة باذن الله انتظروهم منى قريبا

اجى بقى لمحمود عامر انت ايش عرفك اننا بنقول كلام ومش بنعمل بيه
اظن بقى يا لوءة كلامى اللى قولتلهوك فى رسالة خاصة طلع صح وانتى فهمانى كويس
يعني ايه دردشة ما بينا وبين بعض كل دا اولا بناقش القضايا اللى مش عارفين نعرضها ع الناس بره وكمان بنثقف بعض
يعين انا اقسم بالله استفدت كتير من كلام ابوعوف ولوءة ومجنونة استفدت بمعنى الكلمة
دا كله اسمها ثقافة وتنشيط للذهن مش هنبقى عايشين فى الدنيا دى ومش عارفين حاجة زى الهبل سورىة يعني
والله بقى اللى مش عاوزة يستفاد واللى مش عاوز يدردش زى ما بتقول محدش غصبه انه يدخل التوبيك
والله الدردشة ما بينا احلى
انا بقول للناس اللى مش عاوزة تثقف واللى مش عاوزة تنشط الذهن
لاكن اللى بيدخل الموضوع ولو حتى بيشارك بلمة شكرا دا اديله كل الاحترام والتقدير لانه مهتم واكيد عاوز يفهم ويستفاد
وحضرتك بقى شايف انه ملهوش لزمة وفايدة احنا شايفين ليه لزمة وفايدة وكمان مستفدين قوى محدش اشتكى
ع فكرة انا اول ما شفتك رادد فرحت جدا وقولت اخيرا حد من بقية اعضاء المنتدى عبرنا وبيدخل الموضوع
بس ياخسارة افتكرتك هشتارك برايك وتقول كلمة معانا
لكن اظاهر ان فكرتى عن بعض اعضاء المنتدى هتتغير 180درجة

ممكن اقول بس حاجة فى نصرة الرسول صلى الهل عليه وسلم
هو احنا مش شرط ننصره بالمظاهرات بجد النصرة الحقيقة التى تغييب عننا جميعا او عن بعضنا الا من رحم ربى هى المسيرة ع نهج المصطفى صلى الله عليه وسلم
كم منا ترك سنن الرسول صلى الله عليه وسلم وتهاون بها
كم منا قال (يا عم دى سنة)هنعمل بيها ايه احمد ربنا اننا بنقضى الفرائض وكان السنن دى عند الناس ولا حاجة
مش عارفين الرسول تعب قد ايه عشان يقدر يوصلنا الاسلام
ااه ثم ااه!!
اعجب من هؤلاء الناس
انا اللى غظنى اكتر لما حصلت الاساءة قناة الجزيرة كانوا جايبين شيخ الازهر المذيعة بتكلمه ع الاساءة فبيقولها هو ايه اللى حصل حصل امته!!بجد انا اتكسفت ليها
مشكلتنا اننا محدش بيهتم بالسن الا من رحم ربى
وكلام محمد رائع بجد
ومقولة سيدنا عمر بن الخطاب رضى الله عنه(نحن قوما اعزنا الله بالاسلام فاذا ابتغينا العزة بغيره ازلنا الله(انا دايما بحط المقولة دى امام عينى وبتفكر فى معانايها بجد بيغمرنى احساس رائع...
اجى بقى لكلام لوءة....فى حكاية وزير الثقافة دا بجد دا انا نفسى اهدر دمه فى ميدان عام
عارفين احنا عاملين زى ايه للغرب زى اللى واحد وصحبه وهو خايف ع مشاعر صحبه وخايف لو عمله حاجة مش هيصحبه ومش هيفسحه ومش هيدله اى حاجة احنا كده بجد الا من رحم ربى
ماشين ورا الغرب دا حتى كمان فى الموضة كل واحدة تقولى دى موضة مش عارفة ايه وايه مهو دا هبلنا بذات نفسه سورى يعني
اما الوزير فاروق حسنى اللى خسااااااااااااارة والف خسااااااااااااااارة فى اسمه
لما فى الاول لما جه هو وحسين فهمى وشتمو ع الحجاب فاروق حسنى مش اعتذر لاكن حسين فهمى اعتذر وجه فى نفس البرنامج فى 90دقيقة وبكى وقال انا اسف وقعد يعتذر طول الحلقة بجد على فى نظرى خالص
لاكن ال.../ش عارفة اقول عليه ايه بجد لما اعترض ع اسرائيل وافعالها قبل ما يترشح زى ما انتى قولتى يا لوءة وبعدها اعتذر كل دا عشان مصلحة وفعلا محدش هيحترمنا ولا حد هيعملنا اعتبار خاااالص لانهم شايفين اننا بنجرى وراهم

اسفة جدا جدا للاطالة.......
وفى النهاية اقول(العزة لله ولرسوله وللمومنين)
لو خلصتوا الكلام عن الاساءة ننتقل الى اساءة اخرى وانتظروا الاناشيد
شكرا جداا يا مريم ع ردك و كلامك الجمييييييييل اوووى ده

بس انا هرجع لمحمود عامر اولا يا محمود لو قرات الموضو7ع من الاول اللى انا كتباه انا قايله (نفكر لنشعر اننا نحيا)
يعني احنا بنتكلم في مواضيع جاده مش هزار بنقول راينا لان يمكن المواضيع دي محدش بيسمعنا فيها بره يقولوا علينا صغيرين ع الكلام في المواضيع الهامه دي او اى أن كان المهم يعني بتفتحلنا مجال للنقاش نسمع اراء بجد بنتعلم من بعد و انا اتعلمت كتيييرمن ابو عوف و مريم و كل اللى داخله في الموضوع و لو مش عجبك الموضوع يا محمود بمنتهى البساطه متدخلش و خلاص اوووك؟؟؟
بالنسبه للرد اللى انت كاتبته و انا مسحته يا محمود و كان لازم يتمسح
لان الكلام اللى انت قولته مينفعش يتقال اولا في منتدى محترم ثانيا لبنت مكلمتكش بطريقه وحشه ثالثا لان لو حد قرأه هيضايق منك جداااااا
فانا بقولك لو سمحت بلاش الطريقه دي في الكلام
و بعدين مريم مكنتش بتتكلم عنك خااااااااااااااااااااااااااااالص كانت بتتكلم بشكل عام مذكرتش اسم حد و لا كانت بتتكلم ع حد اصلا اوووك؟؟
و نظره الناس ليك يا محمود مهمه جداااا
ما علينا انا مش علق اكتر من كده ع ردك و لكن لو سمحت وبقولها للمره التانيه الاسلوب ده في المنتدى بشكل عام و في كل الاقسام بلاش
انا ميهمنيش رايكم انتي او هيا او المنتدي لانكم مش انتو اللي هتحكمو عليا


انا ممكن اكون بره مش كويس ومعاكم كويس
بس انا مبحبش كده لكن انتي بمسحك لردي

يبقي معنديش بصراحه ------
وكمان يبقي كده مفيش حريه ان الواحد يقول رايه فيكم
هو كل ما الواحد يقول حاجه صدق تمسحوها

ما علشان اداره المنتدي سايباه لحبه عيال تتحكم فيه هو بقي كده
هيا مش نقصاكم اصلا انتو هتفضلو كده علي طول
انا راي مش هيضرك ولا هيفيدك ب س انا بقولك راي فيكي اتغير لانك زيهم
اممممم كلام في منتهى الادب و الاسلوب فعلا محترم جدااا بحييك

وفعلا لازم نقول للإداره ان العيال اللى ماسكين الاداره يغيروهم عندك حق لان العيال دي خايفه ع المنتدى و مش عايزه يبقى في كلام و اساليب في الحوار مش كويسه
و انا هبررلك انا ايه مسحت ردك مع ان العيال مش مطالبين انهم يبرروا و لكن انا مسحته لان مريم مردتش عليك بسرعه و انا اللى دخلت قبلها و شوفت ردك و ده كلام ما حبش انه يتقال عليها و لكن من حسن الحظ ان انا موجوده لوقتى لما انت رديت عليا و انا برد عليك اهو
و انا زيهم دي حاجه تشرفني جدااااااااااااااا
و رأيك فيا ع عيني و ع راسي و لكن انت نفسك قولت مش هيفيدني و هي دي الحقيقه
وشكرا ع ردك
محمودعامر كتب:
انا ميهمنيش رايكم انتي او هيا او المنتدي لانكم مش انتو اللي هتحكمو عليا


انا ممكن اكون بره مش كويس ومعاكم كويس
بس انا مبحبش كده لكن انتي بمسحك لردي

يبقي معنديش بصراحه ------
وكمان يبقي كده مفيش حريه ان الواحد يقول رايه فيكم
هو كل ما الواحد يقول حاجه صدق تمسحوها

ما علشان اداره المنتدي سايباه لحبه عيال تتحكم فيه هو بقي كده
هيا مش نقصاكم اصلا انتو هتفضلو كده علي طول
انا راي مش هيضرك ولا هيفيدك ب س انا بقولك راي فيكي اتغير لانك زيهم



اولا يااستاذ محمود ده مش اسلوب ف الكلام

ثانيا لما انت شايف ان احنا شوية عيال ومش عجبك المنتدي ليه بتدخله اصلا
ثالثا المنتدي ده محترم جدا وكل اللى فيه محترمين وعيب جدا الكلام اللى بتقوله ده وطالما مش عاجبك الموضوع ولا فكرته متدخلوش خالص ومن غير ماتغلط ف حد
بصراحه انا فرحانه ان فى اعضاء جدد دخلوا الموضوع بتاعى بس للأسف مش لنقاش
المهم
انا عايزة اقولك يا محمود كام حاجه معلش
اولا
احنا عاملين الموضوع لنقاش متهيائلى احنا كاتبين فى العنون نقاااااااااااااش
شوفتنا رايحين نعمل طلب استجواب لوزير ولا قدمنا شكوة فى مجلس الشعب
وصدقنى احنا لو عايزين نعمل حاجه هنعمل بس احنا عاملين الموضوع لنقاش

تانى حاجه
حضرتك لو مش عجبك الموضوع ماتدخلهوش انت دخلت ده من حقك حضرتك قولت رأيك
حتى لو كان رايك مش صح ماشى ده حقك بس ان حضرتك تدخل تغلط فينا ده بقى اللى مش من حقك
ولو مش عايز تدخل المنتدى ماتدخلش احنا مش هنزعل المنتدى يعنى مش هيحصلوا حاجه

تالت حاجه بقى ودى الاهم
حضرتك اه اكبر منى وانا لازم احترمك بس معلش فى كلامى
حضرتك مثال لناس كتير فى سنك واكبر ويمكن اصغر
اللى هما عايزين يفضلوا واقفين مكانهم مش مقتناعين ان هما ممكن يعملوا حاجه يغيروا بيها حياتهم وحياه غيرهم
واسفه لو كلامى مش حلو بس بصراحه طريقتك اوحش
فعلا يا سلمى احنا بعدنا عن الموضوع خلونا نرجع لنقاشنا و حوارتنا

يمكن اتكلمنا عن اساءه الرسول صلى الله عليه و سلم و نتمنى ان في يوم من الايام تكون في ايدينا السلطه و التحكم حتى نوجهه هذا الشعب بل العرب كلهم لاحترام الاسلام باحترام نفسنا
ننتقل لنوع اخر من الاساءه يا سلمى
عايزين ننتقل لاساءة الغرب للعرب سواء مسلمين او عرب او حتى اليهود
ومحدش يستغرب لما اقول يهود عشان يهود العرب دول برده رغم اختلاف الديانه بيقى مهدور حقهم فى اسرائيل
يلا نبدأ
لو تسمحولي اشارك معاكم ف المناقشه
ان عاوز اقول ان الاساءه دي مش وليدة اليوم الاساءه دي موجوده من ايام الرسول صلي الله عليه وسلم فاحنا كعرب او مسلمين طالما بنتهاون ف حقنا وبنسكت يبقي لازم اللى بيسئ ره يكرر اساءته تاني لانه مش بيلاقي حد يصده يعني مثلا ايام الرسول صلي الله عيه وسلم لا حد يسئ للرسول او الاسلام كان بيبقي موجود للى يقدر يدافع عنه لكن للاسف دلوقتي مش موجود لاللى يقدر يدافع عن العرب والمسلمين
لا غير كده اي كارثه او مشكله تحصل لازم يبقي العرب والمسلمين هما السبب فيها اي كارثه تحصل ف اي دوله ف العالم يقولوا الارهاب وطبعا كلنا عارفين هما يقصدوا ايه ويقصدوا مين
بس احنا بتخاذلنا وضعفنا بنتحمل نصيب كبيييير اوي من اللى بيحصل فينا ده
انا بجد مش عارفة اقولك ايه يا لوءة ربنا يكرمك يارب
بس عاوزة اقول حاجة للاخ محمود عامر انا مش هرد عليك لاه مش عشان مش عارفة ارد لاه اناا ممكن ارد بس عشان انا متربية وباباى وماماى معلمينى انى احترم اللى اكبر
وكمان زى ما انا اتعملت احترم اللى اكبر منى برده اتعلمت اللى يتكلم معايا بذوق واحترام اعالمه كذلك لاكن اللى يقل ادبه اقل ادبى معاه عادى جدا
لاكن عشان انا بس بحترم الناس ومش اتعود قبل كده اقل ادبى ع حد سواء كبير او صغير فمش هرد لاكن وربنا لو اتكلمت تانى هرد وهعرف ارد كويس لانى انا عاملة احترام لنفسى ثم لادارة المنتدى ثم لحبيبتى لوءة
وعارفة ان المنتدى دا محترم مش ينفع حد يتكلم فيه باى كلام
وكمان عاوزة اقولك حاجة الانسان هو اللى بيخلى الناس تحترمى وهو اللى بيخلى الناس تقل ادبها عليه..فانظر انت مين من الناس دى اللى عاوزة الناس تحترمها ولا .......
انا عرفت من ضمن مشاركاتك ان انت من المنيا وانت قولت كده قبل كده
فبقولك اكيد واحد منياوى يرد كده ودى مش غريبة
اخيرا عاوزة اقول حاجة
انما الامم الاخلاق ما بقيت....فان هما ذهبوا ذهبت اخلاقهم
واكيد البيت معناه واضح جدا
مش هقول اكتر من كده

ولو قولت اى كلام وحش عليا انا مسمحاك لان عارفة ان من طريق الامتياز التسامح تسامح الناس

وانا دايما بقول ان رايك فيا لا يدل عليا

وهختم بقول الله تعالى"وعباد الرحمن الذين يمشون على الارض هونا واذا خاطبهم الجاهلون قالوا سلاما"
صدق الله العظيم..
اسفة تانى مرة لانى خرجت عن الموضوع يا لوءة انتى وسمسم
نكمل
اساءة العرب والمسلمين موضوع مهم قوى
بس يا سمسم انا حاسة ان يهود اللى هما عرب يعني مش مظلمويمن يعني دول واخدين حقهم وزيادة ممكن العرب اللى مش مسلمين يعني هى تفرق طبعا
وفعلا يا احمد الاساءة دى مش جديدة دى من ايام الرسول بل كانت ع اايام الرسول اكثر وحتى بعد وفاة رسول الله صلى الله عليه وسلم ظهرت الفتن والاساءة للعرب والمسلمين"عفانا الله واياكم"
وفعلا اايم الرسول كان فيه حد بيدافع عن اللى يسئ لاكن الوقتى ..وااااااااااااااااااااااحسرتااااااااه!!!!
رسولى بتهان
مسلمين يقتلوا
اطفال تصرخ
نساء تستغيث
اعراض تنتهك
جرائم بشعة تحدث كل يوم بل وكل دقيقة
مريش من غير دواء
طفل جائع مكسنه ابدا فى الشارع
طفل من غير حذاء
بنت من غير رداء
اطفال فقدوا الاباء

ونحن...!!مشغولون بالنساء والكرة والرقص وبالمغنين الجدد وبالمشاهير ومش هممنا اى حاجة
اينعم بنتفاعل ساعة الحدث لاكن بعد كده الدنيا عندنا خبر خير(الا من رحم ربى)
بجد اللى اقدر اقوله ان الناس مش عندها ضمير كل واحد بيقول يا حيط دارينى
كل واحد يقول يا عم وانا مالى خلينا فى حالنا محدش قالهم يعملوا كده فى نفسهم
احنا مالنا ومالهم
بجد انا ساعة احداث غزة اللى فاتت سمعت كلام من ناس مكنتش متوقعة انهم كانوا يقولوا كده والله بقيت بتحسبن عليهم زى ما بتحسبن ع اليهود
بجد مش عارفة اقول ايه
اقول يا افيقوا يا عرب
يا امة محمد صلى الله عليه وسلم

صباح الفل يا شباب
ده انتوا صيتكوا مسمع بره :)
انا مش معاكوا من الاول بس هبقي معاكوا
مستقبلا يعني Very Happy وحلو جدا التوبيك ده ع فكرة
_______________________________

تعليق بسيط بس كده للاخ الي ف العمارة اللي فوق
يا كابتن محمود مينفعش علي فكرة الكلام اللي انت بتقوله
ده خااااااااااااالص وبجد عيب كده
لما احنا شوية عيال يعني قاعد في وسطينا ليه بقي !!!!!!
ودايما يا محمود النقاش بيبقي بالراحه وده موضوع نقاش لو انت حاسس
انت مش هتستفيد من حاجه ع الاقل الكلمة الطيبه صدقة يا اخي
ادخل شارك لو مساهمه واحده يمكن الكل ياخد عنك فكرة كويسة
مش تدخل تقول اللي قولته ده وعاوزة اعقب علي كلامك برده
انت بتقول ميهمكش رأينا فيك تقريبا بس صدقني رأي كل واحد فيك
يهمك جدا والانطباع اللي بياخدوه عنك ع الاقل تحس انك محبوب من الناس
ف مكان انت موجود فيه مش الكل مش عاوزك سوري يعني
وعيب اوي كده بجد وبعدين ايه اللي رأيك فيها اتغير دي !! عشان زي مين
ولا يمكن انا فهمت غلط
ياريت يا محمود يا عامر اللي حصل ده ميتكررش تاني
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ايه يا محمود دا عيب كدا
عمال تغلط في الكل
طيب يعني احنا عيال
خليك انتا الكبير ومتعدش معانا
 

محتاجين جميع الاعضاء لنشعر اننا نحيا!(بدا النقاش-اليأس ام الامل الاحساس الذى تفرضه علينا احوال مصر)

الرجوع الى أعلى الصفحة 

صفحة 6 من اصل 9انتقل الى الصفحة : الصفحة السابقة  1, 2, 3, 4, 5, 6, 7, 8, 9  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتدى اللاعب الفنان محمد ابوتريكه :: ™»§«|| القســم العـــــام ||»§«™ :: مقالات واراء الاعضاء-
انتقل الى: