منتدى اللاعب الفنان محمد ابوتريكه

منتدى اللاعب الفنان محمد ابوتريكه

جميع اخبار الاعب الفنان ابوتريكه
 
الرئيسيةالبوابة*اليوميةس .و .جبحـثالأعضاءالمجموعاتالتسجيلدخولمكتبة الصور

شاطر | 
 

 محتاجين جميع الاعضاء لنشعر اننا نحيا!(بدا النقاش-اليأس ام الامل الاحساس الذى تفرضه علينا احوال مصر)

اذهب الى الأسفل 
انتقل الى الصفحة : الصفحة السابقة  1, 2, 3, 4, 5, 6, 7, 8, 9  الصفحة التالية
كاتب الموضوعرسالة
lo2a
مشرفةمشرفة
avatar

انثى عدد الرسائل : 1849
العمر : 27
المكان : في ستوديو البرنامج بتاعي
اللاعب المفضل : أكيد أبو تريكه
ناديك المفضل : الأهلي
نقاط : 267
السٌّمعَة : -1
تاريخ التسجيل : 17/11/2007

نقاط العضو
تقاط التمييز: 70
08072009
مُساهمةمحتاجين جميع الاعضاء لنشعر اننا نحيا!(بدا النقاش-اليأس ام الامل الاحساس الذى تفرضه علينا احوال مصر)


بدايه الكلام سلام
:rt:
"انا أفكر إذا انا موجود"
قالها ديكارت و ظلت حتى يومينا هذا تردد في جميع انحاء العالم
و لكن ان تأملنا اوضاعنا العلميه و الفكريه في مصر و خاصا في المدارس فسنجد ان هذه الجمله مجرد شعار فحسب ليس اكثر و لا اقل
فسؤال مارأيك؟؟؟ في الامتحان اجابته معروفه و محفوظه لدى الطالب
اى اننا قلما ما نشكل رايا صحيحا و كاملا
و لذلك هذا الموضوع لكي نناقش كل اسبوع قضيه جديده
واعلم ان الكثير منكم سيقول لى ان هناك مقهى الاعضاء و غيره من المواضيع التى يتم فيها النقاش
و لكن هذه المواضيع غالبا ما ينقلب الحوار الى هزار و البعد عن الموضوع الاساسي

فقررت
- و تسمحوا لى- ان يكون هذا الموضوع لطرح قضيه ما يتفق عليها الاعضاء كل اسبوع و نتفق ايضا ع مدير الحوار فهو الذي يسال الاسئله و ينظر للقضيه من جهات و زوايا مختلفه و يطرح الاسئله
و المسئول عن الحوار يختار من بعضه عضو اخر لإداره الحوار و يتم اختيار قضيه اخرى لمناقشتها
و هكذا
و ممكن ان يجدد لمدير الحوار اسبوع اخر اذا نال اعجاب الاعضاء
و هذا الموضوع يحتاج مشاركه فعاله و قويه فلندعوا جميع الاعضاء والمشرفين والإدارين ايضا لتبادل اطراف الحوار الجاد
فلنفكر لنشعر اننا نحيا


ملحوظه:اختلاف الراى لا يفسد للود قضيه و اذا اشتد الحوار فعلى المسئول عنه التدخل في الحال
و ليس في حاجه بالطبع الى تاكيد عدم التطاول في الحوار

وشكرااااااااااااااااااااااااااا

:thanks:

_________________

[b]ابو تريكه....
اذا سمى التواضع سمى بإسمك
و إذا سكنت الطيبه مكانا سكنت قلبك
و اذا جمع كلامك في كلمه فتكون الحمد الله


عدل سابقا من قبل lo2a في الإثنين 10 أغسطس - 14:51 عدل 5 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مُشاطرة هذه المقالة على: diggdeliciousredditstumbleuponslashdotyahoogooglelive

محتاجين جميع الاعضاء لنشعر اننا نحيا!(بدا النقاش-اليأس ام الامل الاحساس الذى تفرضه علينا احوال مصر) :: تعاليق


بسم الله
نتكلم ونقول راينا
لازم تمسك البنت او الولد بالدين والشريعة الوقتى بقى كل الناس الا من رحم ربى بيقولون ماليس فى قلوبهم..وكمان دا بيحصل عن طريق البيئة اللى هى / هو متربى فيها وكمان الغلط الكلى مش ع الولد لاه دا ع البنت لان الولد لو لقى البنت فتحاله قلبها هيترمى فيها لما يلاقى البنت بتكلمه كويس وبتقله كلام حب وغيره مش هيسيبها فى حالها لاكن لو صدته من اول مرة هيحترمها حتى ولو ما احترمهاش كفاية انها متربية وعارفة انه حرام
وربنا يستر الجميع باذن الله..........

الولد اللى بيعاكس البنت فى الشارع كل هدفة انو يعاكس بنت وخلاص

الاسباب ..

البعد عن الله.

الفراغ اللى فى حياة الشباب.

تربية الأم والأب والبيئه اللى نشأ منها.

البنات واللى بيعملوه فى الشارع.

بعض الحلول..

أولاً : تقوية الصلة بالله والخوف منه.

اعادة بناء عقول هؤلاء الشباب من جديد وغرس مبادى احترام المرأه

وتقديره في أنفس هولاء الفارغين منذ الصغر بحيث يدرك كل شاب ماعليه من حقوق
لان مشكلة جيلنا انه يريد انه يتعلم خدع الحياة...بدلا من ان يتعلم مبادئ الحياة
اتجاه أي امرأه وأن لايبخسها حقها ولا ينظر نظرة رخيصه بناء

على بعض مفاهيم ثقافته الاجتماعيه التي تربى عليها.
ايضا من ضمن الاسباب

ترك الاباء والامهات لاولادهم وقولعهم المستفز(ان ابنى كبير ويفهم )(ان بنتى ع خلق ومحترمة)ويسفروا الى الخارج ويرجعوا يلاقوا البنت والولد منحرفين
دا اللى شوفته فى مسلسل قضية راى عام
انا كنت بتريق ع المسلسل دا وكنت بكره
بس انا استفد منه بحاجات كتيرة قوووووووووى وكان ليه هدف
فيه سبب تانى :البنت مش عارفة ان هى جوهرة لؤلؤة لازم تحافظ عليها عشان محدش ياخدها ويبعبها
لاكن هى اول ما تلاقى الولد بيتكلم عليها يووووووه دا يبقى عيد عند البنات(الا من رحم ربى)
من ضمن الاسباب ايضا:الزواج طب ازاى الوقتى الواحد بيروح يتقدم لبنت ابو العروسة بيكون عامل زى عريس من جه امنيه والله
يقعد يتشرط ع الولد واهله لحد ما الولد بطفش ودا اللى بيحصل الوقتى
وكمان اهل الولد لازم البنت مش عارف تكون ايه وايه
وهما مش عارفين ان الجمال جمال الروح ومش عارفين ان االسعادة فى ان هما الاتنين يسعدوا بعض
والله ما كانت السعادة بالعفش ولا بالدهب ولا بالفلوس معلش انا خرجت ع الموضوع بس بجد دا سبب من الانحراف
من ضمن الحلول ايضا
الزواج لحديث رسول الله صلى الله عليه وسلم(يا معشر الشباب من يستع منكم الباء فليتزوج.فانه اغض للبصر واحصن للفرج..فمن لم يستطع فعليه بالصوم فانه له وجاء"
طبعا معنى الحديث مفهووووووم
من ضمن الحلول ايضا :شغل النفس بكل ما هو مفيد
والتفكر فى عاقبة هذه الفعله الشنيعة
ويعتقد الشاب انه كما تدين تدان

ايضا البنت كذلك تفكر فى هذه العاقبة
وشكرا جزيلا لكم
ومستنية الاراء
ارااااااااء هوه حد يقدر يضيف حاجة او يقول اى حاجة وحشة على اللى انتى كتباه دة يا مريم بجد لو انتى اللى كتبه الكلام دة يبقة حاجة حلوة جدا لمستقبلك يا مريمومه كلامك جميل جدا ومنظم جدا ومرتب جدا وشامل جدا
وكل كلمة قولتيها عندك فيها
الاسباب ..

البعد عن الله.

الفراغ اللى فى حياة الشباب.

تربية الأم والأب والبيئه اللى نشأ منها.

البنات واللى بيعملوه فى الشارع.

فعلا الاسباب ديه والله وهوه اصلا لو حد متمسك بربنا ويعرف ربه كويس مش هيعمل كدة ابدا
وكمان اهل الولد لازم البنت مش عارف تكون ايه وايه
اة والله عندك حق تقريبا بقة كل العائلات كدة عايزين لابنهم ملكة جمال ومش يهمهم المضمون هما يعدوا يقولوا اة طبعا لازم تكون مؤدبة وكل حاجة بسسسسس ميمنعش برضة تكون حلوة
يلا ربنا يهدى
وشكرا على كلامك الجميل دة يا مريم

بسم الله

بصراحة موضوع جميل جدا واختيار موفق لكن بصراحة انا شايف ان الكلام اللى فيه مش هيكون كتير لان الكلام الكتير ده بيكون فى موضوع مرتب ومنظم ويفعل باحكام لكن الموضوع بتاع المعاكسات ده بيتعمل بطريقة عشوائية جدا
واهم سبب فعلا من اللى مريم قالتهم هو الفراغ الفراغ اللى قتل فى الشباب كل حاجة حلوة واللى للاسف الدولة بتاعتنا مشتركة فيه ما علينا احنا مش فى المجال ده دلوقتى
انا شايف سبب من اهم الاسباب اللى تخلى الشباب يتجهوا للحاجة دى ولاى عمل عشوائى بصراحة هى انحراف الغاية او انعدامها
الدين الاسلامى حددغاية كل انسان فى حياته وهى الله تعالى ورضا الله تعالى والتقرب والتودد من الله تعالى والتماس هذه الاشياء من خلال جميع حياته
فالشخص معدوم الغاية الذى يعيش حياته بلا هدف لا يكترث بما يفعله بتاتا ولا يضع بباله لماذا او ماذا افعل ؟ وكذلك الشخص الذى انحرفت غايته عن الغاية المعلومة والمحددة من خلال كتاب الله وسنة رسوله صلى الله عليه وسلم
من الاسباب ايضا ما قيل من ان الاب والام والاهل لا يسئلون عن ابنائهم بل هناك بعض الناس لا يعرفون اى شئ عن ابنائهم اى شئ بمعنى اى شئ فعلا فهذه من الاسباب العظيمة التى تدفع الشخص الى ا يرتكب هذه الافعال الخبيثة دون اكتراث
طبعا المشكلة خطيرة جدا وخطورتها فى انتشارها ولها آثار عظيمة سلبية واكثر هذهخ الآثار يعود على الشخص نفسه فقد بدأت تلوح فى الافق مبشرات عظيمة ان الاهالى اصبحت تبحث لبناتها عن حسن الخلق وعن طيب السمعة ( على الاقل هذا فى بلدى ) فبفعل الشخص هذه الاشياء لن يقوم احد بالموافقة عليه زوجا لابنته فيصبح منبوذا فى بيئته وفى مجتمعه
واذا بحثنا عن الحل فاننا نجده يتمثل فى ان يقوم كل منا فى بيئته بنشر ثقافة ضرورة ان يكون لدى الانسان غاية هذا اولا وثانيا ان تكون هى الغاية الصحيحة المطلوبة وهى الله ورضاه والسعى وراء ذلك والتماس ذلك فى كل مناحى الحياة ولن يعيقنا هذا الشئ اذا فهمنا ونشرنا بين الناس الاسلام بمفهومه الشامل الذى يقول بان الاسلام دين ودولة وعقيدة وعمل وسيف ومصحف الى غير ذلك
الكلام السابق طبعا يطبق على الشباب والبنات واتمنى ان اكون قد كتبت شيئا ذا قيمة واتمنى ان تتقبلوا مرورى واتمنى ان تعذرونى على الاطالة واتمنى ان نوحد غاياتنا وغايات من نعرفه حولنا حتى نصل بمجتمعنا الى المجتمع الاسلامى المسلم اسلاما صحيحا
بصراحة يا زهورتى الكلام كله مش بتاعى اختى ضايفة حاجات كده
وعندك حق كله باصص للجمال الوقتى
كلامك رااااااائع رااااائع يا محمد
وفعلا لازم نوحد الغاية رضا الله ورسوله
لان احنا فعلا الا من رحم ربى بلا هوية
شئ ذو قيمة ايه يا محمد انت بذات محدش يقدر يقول ع كلامك وحش نت ولوءة بجد كلام رااااااااااااااائع والله
جزاك الله خيرا
انا استفدت كتير
بارك الله فيكم جميعا

مقدمه جمييييييله يا مريم و اراء و حلول اروع ربنا يا رب يوفقك
و كلام جمييل يا زهره و يا بو عوف
و انا اسفه ان انا اتاخرت في الرد
يمكن انا كنت هقول الاسباب اللى قولتها او بعضها و لكن خلوني اضيف سبب جديد
من الاسباب اللى زودت الموضوع ده هو الافلام و انواع الفن الذى يقدم وربما لا يخطر ببال احد هذا السبب لانه قد يظهر بعيد كل البعد عن الموضوع التحرش و المعاكسات
ولكن....لو بصينا للافلام التى قدمت في الفتره الاخيره هنلاقيها مسلطه الضوء ع العشوائيات و ع ما يحدث فيها من انحراف و من تحرش و من ادمان و و و ....
زىفيلم حين ميسره و دكان شحاته و غيرهم بس انا مش متذكره اوووى و لما يوجهه النقد لصناع الفيلم يقولوا احنا بننقل الواقع و لكن الصحيح انهم بيكبروا و يضخموا جزء من الواقع و يعيده و يعرضوه باكثر من شكل و ده اكييييييييييييد بيأثر في الشباب
كمان الاغاني فيها ايحائااااات كتييييره مش كويسه و الفاذ خارجه و كتيير من المغانين المشهورين المحبوبين بغنوها كل ده بيأثر ع الشباب
و هنا يجي دور الاعلام اللى يحاول يهاجم الفن المتدني ده و نرقى بنفوسنا شويه
و انا اسفه لو طولت
الله ع كلامك ي لوءة جميل
طولتى ايه يا بينتى قولى انا بحب كلامك انتى وابوعوف قوى والله وبيعجب اختى كمان
بصى انا معاكى فعلا فيه الافلام والمسلسلات بيقولوا الواقع بس بيزودا قوى فيه انا مش شفت الافلام دى هى عندى بس مش شفتها لانى مش ليا فى الافلام ثوى
انا معاكى اكتر فى حكاية الاغانى دى
بجد فعلا كلمات اباحية قوووووى لدرجة انى والله كنت فى فرح وبجد كنت قاعدة ان واصحابى احان بنات مكسوفين شوفتى لدرجة ايه
استفغر الله العظيم
فعلا دا سبب قوى اللى انتى قولتيه يا لوءة
معلش ياجماعه اتأخرت عن النقاش
انا قريت معظم الاراء بس كان مهم عندى
انى اقرأ رأى محمد عشان هو الطرف التانى من المشكله
بصراحه ان فى نقطه يا مريم انا مش معاكى فيها ان المشكله بتكون جايه من البيت ده صح
بس بيكون قليل اوى يعنى معظمهم بتكون بيوتهم متمسكه بالادب والاخلاق
اسباب بقى اللى بيحصل ده من وجهه نظرى
اول حاجه البعد عن ربنا
وعدم تمسكنا بالدين ولا بالمبادئ
وعدم الخوف من ربنا ولا الخوف على الاخت والزوجه والابنه والام
( يعنى ربنا يستر على ولايانا)
وبرده وقت الفراغ اللى موجود فى حياه الشباب والبطاله
والبنات والبنات بقى بيكون العيب من البيت
ان الاب بيسيب البنت تنزل بالضيق والقصير ومش عارفة تبقى عامله ايه فى شعرها
حاجه تضايق يعنى
ان والبنت ترضى على نفسها انها تنزل كده بالضيق والقصير بالقصد معلش يعنى فى الكلمه (زى الهبله) فرحانه بالمعاكسه او انا بحب اسميه تهزيئ ان البنت كده الولاد فى الشارع بيهزؤها
وعلى فكرة التحرش انوااااااااااااااع كتيييييييييييييييييييير مش ولد لبنت بس ولا بنت لولد بس
لا ده بنت لبنت و ولد لولد
انا شوفت فيديو تحفه حطاه على الفيس بوك

https://www.youtube.com/watch?v=DR65YfX594I

ياريت تشوفوه حلو اوى اوى بيتكلم عن التحرش وانواعه
انا كل شويه اتفرج عليه مش بزهق منه

خلينا نكمل بقى
فى مشكله تانيه انك تلاقى بت بتتعاكس معاكسه جامده خالص وبكون عايزة اروح اشدها ادافع عنها بس بخاف اللى يغيظ انك تلاقى الناس ماشيه فى طريقها ولا اكن حاجه بتحصل
ومرة شوفت مجموعه ولاد بيعكسوا بنت الناس كلها ساكته واحد قاعد قدام المحل بتاعه قالهم عيب راحوا سابوا البنت وقعدوا يزعقولوه انا خوفت مشيت بسرعه بس غالبا الراجل ده اضرب
حل التحرش انا متهيألى ان المشكله دى مش هتتحل بسهوله عشان حتى العيال الصغيرة ماكملتش 12 سنه تلاقيها بتاكس بنات قد امها
الحل الوحيد تشديد العقوبات على التحرش وممكن الحكومه تعمل خط ساخن والحركات دى
بس ماظنش انه هيكون حل عملى بس صدقينى العقوبات هى اللى هتحل الموضوع ده بس ازاى بقى العقوبات دى ماعرفش عايزة تفكير
كفايه كده طولت عليكم
سمسم اسمحى لى ان ابدى اعجابى بكلامك الرااااااااائع
ايون صح فيه بيوت بتبقى متمسكة بالادب والاخلاق واولادهم يبقوا وحشين
يعني يخرج من ظهر العالم فاسد ويخرج من ظهر الفاسد عالم
انا معاكى بس لو لحظتى انا مش عممت وكل كلامى بقول الا من رحم ربى وهفضل اقول الا من رحم ربى وربنا يرحمنا جميعا يارب ومش نبقى كده
نرجع للموضوع كلامك بجد مقنع قوى وفى حكاية ان البنت تلبس ضيق وتنزل وكدده انا والله بنزل مع اصحابى وامهاتهم وابهاتم بيجبوا لبس ضيق قدامى وامهم عادي خالص وبنزل اجيب معاهم بجيب عبايات بيقعدوا يتريقوا عليا ويقولى انتى لسه صغيرة
والله حصل معايا موقفين بسبب اللبس الضيق دا مرة واان فى 6ابدائى كانت مدرسة العربى بتحبنى موت وهى بتعتبرنى بنتها واان بعتبرها امى وبحكليها كل حاجة
المهم روحت المدرسة ببنطلون ضيق قوووى لدرجة بشعة وعليه جكت طويل والله قعدت فترة مخصمانى ومش بتكلمنى عشان اللبس ومن بعدها حرمت
ساعتها بابا مكنتش شفنى وانا خارجة ولا مااما :) المهم وكمان مرة السنة دى حصل نفس الموقف بس مش زيه قوى قوى يعني كنت خاجرة بعباية واسعة قوى وطويلة وتحتها بنطلون بس كنت لابسة طرحة قصيرة شوية مش تصتور بابا عمل فيا ايه هو كلامنى بشدة بس بعدها عتانى محاضرة عمرى ما انساها قالى انتى تلبسى اللى ربنا عاوزة مش اللى انتى عوزاه مش معقولة تلبسى خمار وبعد كده تلبسى الطرحة دى انا كنت فى العيد ساعتها فكنت فرحانة بلبس العيد :) المهم
بجد انا بحمد ربنا انى عندى ام واب زى بابا ومااما ربنا يخليهم ليا ياااارب واحلى حاجة فيهم انهم مش بتكلوا بشدة قوى لاه بطيبة عشان تقبلى كلامهم
وكمان فى مضوع التحرش دا عندك حق فعلا يا سمسم بقى بين الولد والولد والبنت والبنت حتى انتوا لو شفتوا الحلقة بتاعت صبايا بتاعت الاسبوع اللى فات كنتوا تعرفوا حاجة حصلت حقيقى واصحبهم جم وحكوا
ةوفى حكاية المعاكسة دى بجد بقت بشعة والله
انا لما كنت بلبس طرح عادية كنت بتعاكس قولت الم روحى هههههه والبس كويس
فلبست عبايات وخمار وجوانتى فى ايدي ووالله اتعكست اكتر
فى مرة كنت راجعة من المدرسة واحد قالى كلمة والله كل ما افتكرها اقعد اعيط واقول طب انا كنت لابسة ايه كنت لابسة لبس اللى ربنا شرعه لينا همل ايه اكتر من كده
وانا يعني مش مغرية قوى الكل بيقول مغرية لكن انا مش كده
والله الشباب لا سابو المغرية ولا مش المغرية
انا فيه ولد صعير عكسنى وانا رايحة الدرس بصراحة مسكته وفرجت عليه فى الشارع ضربته انا واصحابى :hehe: بس كنا قريبن من الميس بتاعتى فابنها جه شاله وادبه
بصى يا سمسم مش تقولى ان الحكومة هتعاقب حد
قوليلى ليه
هقولك انا ليه :)
لان احنا فى بلد مش فيها شرع البلد مش بتحكم بالشرع
والله انا من كذا اسبوع كده اتفرجت ع برنامج ع قناة المحور كانوا بتكلموا عن التحرش والاغتصاب وواحد معارض ان اللى يغتصب بنت او يتحرش بيها مش يتعاقب ويسيبوه واحد بقى اتصل من الجمهور وهزاه بقى والراجل ببجحتاه يقول انا مش هعمل فيه حاجة الا لما المحكمة تحكم
قام المذيع قال انا لو دا حصل فى اى حد من ولايانا مش هستنى حكم المحكمة انا هروح اقتله بصراحة عجبنى
والله لو فيه شرع وبنحكم بشرع ربنا بالكتاب وبالسنة والله ما بقينا فى هذه الحالة
اسفة جدااااااا ع الاطالة
كلامكوا جمييييل جدااا بارك الله فيكم

عارفين الراجل اللى بيتحرش ده بيبقى جبان جبن و الله او اللى بيعاكس يعني
عارفين...كنت مره انا و ماما واقفين ع باب النادى عايزين ناخد تاكسي و فيه بنت وقفه جنبنا مستانيه تاكسي و ولد رايح جاى حوليها كده و يكلمها بصوت واطى و يبعد شويه و يرجعلها
راحت ماما قايلاله انت لو عند اخوات ترضلهم كده ايه قله الادب دي هي مش عايزه تيجي معاك هو غصبن عنها و بدأصوت ماما يعلا راح الولد وشه اصفر و قالها خلاص خلاص و و ميشي و الله البنت بتقول لململ شكرا و بنبص ملقيناهوش خالص فص ملح و دابفناس دي بتبقى جبانه الى اقصى حد
حاجه تانيه كمان طبعا السبب في البنات و الللى بتلبسه بس السبب الاكبر و الاهم هو عدم الاخلاق و عدم الشهامه و الرجوله ليه؟؟؟؟؟
لان لو بصينا لايام زمان زى مثلا ايام افلام الابيض و الاسود مش هتلاقه الحجاب منتشر خااااااااالص و البنات كانت بتلبس فساتين و كات و كل حاجه و ملقوش ولد يعاكس بنت و لا يقرب منها و لا حاجه بالعكس كان في حاجه اسمها دي بنت حتتنا و دي اخت صاحبنا يبقى كلنا اخواتها و يعني الكلام ده مش بألفه و الله ده كلام ناس كانت عايشه في الزمن ده
ربنا يا رب يحمينه و يهدينا و يهدي الشباب كلهم
و انا اسفه ع الاطاله
يارب يا لوءة
وكلامك حلو
بس كل حاجة بتختلف ع حسب العرف الا الاخلاق
وبعدين احنا مش هنرمى الحمل ع الولد والبنت لالالالالالالالا ع اولياء الامور
مهو الاساس فى اولياء الامور ازاى يطلعوا بنتهم بالمنظر دا او ازاى يخلوا الولد يسهر لحد وش الفجر ويقولوا اصل دا ولد هنتحكم فيه
لا طبعا يا مريم مش هنرمي الحمل كله ع الولد بس اكييييييييد

بس بنسأل و تعجب:ليه مكنش في زمان هذا الموضوع رغم ان البنات كانت بتلبس فساتين و كات و مكنش في حجاب و دلوقتي الموضوع ده زاد رغم ان الحجاب زاد بل و النقاب؟؟؟؟؟؟؟؟؟؟؟؟؟؟؟؟؟؟
ايه يا جماعه فين التفااااااااااااااعل؟؟
مهو زى ما انتى قولتى يا لوءة الواحد كان بيقول دى بنت حتتى
وكان مكنش منتشر التلفزيون والفيديو كليب والحاجات دى
لاكن زى ما قولت كل واحد وعرفه والعادات والعرف

ايه دا مفيش تفاعل فعلا
عموما لو كان الموضوع خلص قولى يا لوءة عشان انهى الحلقة
معلش يا جماعه اتأخرت عن الرد بس ماكنتش فى البيت
المهم
والله يا الاء انتى معاكى حق
انا بشوف صور ماما ايام زمان مع صحابها اللبس القصير والضيق والفساتين وهيصه
الناس ماكنت تعرف فى الدين ولا فى الشرع زى دلوقتى بس كانوا متماسكين بالاخلاق ان حتى لو البنت بتلبس قصير ماكنش فى حد بيعاكس عشان الادب
وعلى فكرة يا مريومه
الحكايه مش حكايه ان البيت بيسيب الولد لحد الفجربرة البيت
لا عشان التحرش بيحصل فى وسط النهار ومش تحرش بس لا ده ممكن تكون حوادث اغتصاب
العيب فى اصدقاء السوء والافلام والمسلسلات اللى بتنشر مناظر مش حلوة خااااالص
وكل يوم بيظهر فيلم انيل من اللى قبله

وانا مش عارفة ليه ان مافيش حد غيرى انا والاء ومريم اللى بنتكلم مافيش حد خالص دخل معانا
معلش مكنتش بدخل لانى انا مش عندى نت وبدخل من عند مريومة
المهم
انا مش عارفة اقول ايه بعد اللى قولتوه بجد كلام رااائع
وموضع مهم جدا وخطير ومنتشر وكل دا بسبب الفيديو كليب والافلام
وفعلا اصدقاء السوء زى ما مجنونة ابوتريكة قالت
كلهم بقو يوزوا بعض ع فعل الفاحشة
وكمان ايضا انتشار الانترنت الوقتى الواحد بيشوف اى واحد عارية فى مجلة او فى التلفزيون بيفتح النت ويدور الا من رحم ربنا
استفغر الله العظيم الواحدة مش عارفة تعمل ايه فى الناس الى بيعكسوها
فيه موقف حصل مع مريم بسببه قعدت كذا يوم تعيط
معلش يا مريم انى بحكى عليكي بس بجد دا موقف صعب قوى وانا مش عارفة انتى سكتى ليه انا لو مكانك سورى يعني كنت خلعت اللى فى رجلى وضربته والله
يلا قدر الله وما شاء فعل
والوقتى والله بقوا بيعكسوا المحترمة واللى مش محترمة
ربنا يهديهم يااااااارب,,,
انا جيت متخر اوووووووي
بس والله كلكم كلامك حلو وجامد
واللي بيعاكس د ولا بيعمل حاجه للبنت دا اجبن انسان في الدنيا
ومبقتش فارقه بيعكسو المحترمات وغير المحترمه
اللي لابسه ضيق وواسع وكل حاجه مش عاتقين
انا قريت في مره ان المنقبات هم اكتر معاكسه
طيب بالذمه المنقبه دي تعمل ايه تاني دي هي لابسه ومغطيه كل حاجه

وانا اقولكم علي موقف حصل في بلدنا
انا الصراحه كنت فاكره انا الناس في بلدنا ناس كويسه وطيبه وكلهم محترمين
حطلهم تصوير كدا في دماغي
الصراحه الكام سسنه الاخيره لقيت اني كنت مخدوعه
وكذا جريمه قتل وكدا
قلت دا مااشي
الا ان تحصل محاوله اغتصاب بنت صغيره
دا بجد مكنتش اتوقعه خالص
المهم يعني الحكايه ان واحد ربنا يسامحه ويتوب عليه
لاقي بنت بتاعت عشر سنين ماشيه
راح اقلها ايه انتي ممش بنت فلان
تعالي معايا انا رايح اعد مع باباكي
وعمل نفسه بيتصل بالموبيل علي بباها وقاله ايه بنت اهي اجبهالك معايا وكدا يعني
والبنت يا عيني صدقت وراحت معاه
اخدها في عماره لسه بتتبني يعني مفهاش حد
وحاول يعتدي عليها
البنت طبعا جالها العقل الزكي ونطط من فوق من الدور الاول يعني
وبس طبعا نزت متكسره وراحت المستشفي
بالذمه دا كان عقله فين
فين ضميره
هو ابسط ما يقال عنه انه حيووووووووووان
وانا سمعت من كام يوم ان البنت اتوفت الله اعلم دا صح ولا اشاعه
ربنا يسلم علينا يارب كلنا ويرحمنا من اي حد
يمكن يا ساره خلاص مبقاش كل الناس في بلد ما كويسه

عارفين من علامات قيام الساعه انتشار الفاحشه و علنا
و ده مع الاسف بقى موجود مش بس التحرش و المعاكسات و حوادث محاوله الاغتصاب ده كمان الافلام دي تعتبر بتعرض الفاحشه علنا
ربنا يا رب يحمينا و يسلمنا من الزمن اللى مبقاش في اخلاق خاااااااااااااااالص
:-f: انا والله كل ما اسمع كده اخاف
وكمان اخاف اخرج من باب البيت
ياااااارب احفظنى واحفظ بنات المسلمين من كل المسلمين
واهدينا واهدى شباب الاسلام يا رب العالمين الى ما تحبه وترضاه

ها كده الكلام خلاص ولا ايه؟؟
صحيح يا لوءة جاتلك كلية ايه
بتهيألى يا مريم كل اللى بيشتركوا في الموضوع اتكلموا بتهيالى نبتدى موضوع جديد

و تختاري مدير حوار تاني
و كنتى مديره متميزه 🇲🇳
تحبوا تتكلموا في ايه؟؟؟؟؟؟؟
جاتلى يا مريم تجاره و ان شاء الله تجاره فرنساوى

بس لسه مش عارفه هحول لغات و لا لأ
انا عندى موضوع بصراحه نفسى نتناقش فيه
اهدار حقوق العرب والمسلمين فى الخارج
ايه رأيكوا
ربنا يكرمك يا لوءة
مضووع مهم قوى يا سمسم وحلو
ابدائ فيه بس انهى الحلقة الاول :)

يا الله ..قدر الله وما شاء فعل يا لوءة
لغات اللى هى بتاعتنا ازهر ولا السن عندكوا اصلها تفرق
وكمان يا لوءة عندنا كلية فى الازهر اسمها الدرسات الانسنانية فيها قسم اعلام ممكن تحولى فيها شوفى لو هينفع
انا اعرف ان ينفع احول من تربية وتعليم الى لغات وترجمة للازهر لكن مش عارفة ممكن ينفع تحولى للدراسات الانسانية ولا لاه اسالى لو عاوزاها
الدراسات الانسانية ازهر دى فيه منها فى اسكندرية والقاهرة
انهى الحلقة وبعدين مجنونة تدخل تبدا حلقتها
 

محتاجين جميع الاعضاء لنشعر اننا نحيا!(بدا النقاش-اليأس ام الامل الاحساس الذى تفرضه علينا احوال مصر)

الرجوع الى أعلى الصفحة 

صفحة 5 من اصل 9انتقل الى الصفحة : الصفحة السابقة  1, 2, 3, 4, 5, 6, 7, 8, 9  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتدى اللاعب الفنان محمد ابوتريكه :: ™»§«|| القســم العـــــام ||»§«™ :: مقالات واراء الاعضاء-
انتقل الى: