منتــــدى اللاعب الفنان محمد ابوتريكه

جوزيه يا من ينطبق عليك القول القائل لو لم اكن برتغاليا لوددت ان اكون مصريا ...

جوزيه يا من افتخرت باهلاويتك اكثر من بعض ابناء الاهلي من من تلونوا وتنكروا للجميل والفضل...

لماذا ضغطت على راس الدمل الكبير...؟

الم تكن تعلم انه ممتلىء عن اخره بصديد وتقيح وخلايا عفنة ميته...؟

الم تكن تعلم انك ستفتح بحركات اصابعك واشارة يدك تلك القشرة الرقيقة التي كانت تمنع الدمل من ان ينفجر وينضح بما فيه من فساد..؟

الم تكن تعلم انك ستخرج كل ما حاولوا بكل اساليبهم الخبيثة وملاعيب شيحة والتلون والرياء والنفاق والصوت العالي ان يخفوه..؟

هل انت مصري اكثر من هؤلاء المصريين الذين باعوا شرفهم وذممهم...؟

هل السنين التي قضيتها تشرب من ماء النيل اتت ثمارها فيك سريعا لمعدنك الاصيل...بينما غيرك من قضى عمره كله يشرب من نفس الماء ورغم ذلك ابت نفسه الدنيئة ان يكون كريم العنصرين...؟

من كنت تقصد بحركاتك الجريئة التي تعمدت اظهارها على شهود العيان لعل النائمون يفيقون ولعل من على راسه بطحة يسارع بمعالجتها..؟

اكنت تقصد راس الحية الكبيرة مجلس القاعدة البلدي لخصخصة الرياضة والرحرحة وبيع يا حداية بيع لمصلحة حزب اعداء النجاح ونعم للتطبيع وايقاف المراكب السايرة...؟

وعلى راسه صقر فيران المجاري المشهور بالحداية النايحة صاحبة الريحة الفايحة...وبند الحل والتعيين وانا النهاردة بخانق دبان الوش..يعني كمان يامجلس الادارة بتقولي صباح الخير..طيب هات يا ابني اللايحة وحل الي بيقول صباح الخير ده ..خليها سوده على الكريم بيضة على اللئيم...ولا فضيحة اللجان الاعلامية وطرمخي عليا يا صاحبة الجلالة طالما انا اسمي مكتوب في كشوف اللجنة ديه ولا كشوف اللجنة ديه...وهو يعني شيىء جديد ما انتي يا جلالة متعودة دايما تكيلي بمكيالين... وتقبضي بالادين الاتنين ...واسالي معلوف الي
من الاهلي مقهور مقروف وهو في اصله حلوف...ولا فهمي ارذله اطبله ولا ادلعه...ارقصه ولا اشخلعه...ودول مثلين وغيرهم كتير والبطحة واسعة تساعي كل الي يحسس...وبرضه يا حداية اوعى تنسى ماما نونه دي اديها سخية وحنونة...شيل لها مورته وكتفه ليقطع حبل الوصال وينشفه.

ام كنت تقصد رجال جبلاية القرود اصحاب اتحاد الكورة في ملعب من يدفع اكثر...والسبوبة تحلى ولو كانت وحلة...؟

وعلى راسهم زهورة هافتح النفوخ واشغل الاورة...بس متنساش تطلع ساعة العلبة في الصورة... وهاهرب الواطي واخطط له مخطط من تحت بطاطي...وان الموج علي عليا هاعمل نفسي مطاطي...وهاقول مهوه الكبير بيقول..سيبوه يخرج وينول..وملعونة المبادىء وملعونة القيم والاخلاق..ما شحاته ابوكف برضه موجود يتحشر له هو ويستدعيه ويشيل الشيلة..والسبوبة تتقسم وكلنا عيلة.

وشوشو مش هرشح نفسي وانا عيني في الكورسي...ومحدش يمسكني الا لما تردوا لي تذاكر السوق السودة بتاعت بطولة افريقيا الي صادرتوها... وشيلوا عينكم عن هدية ماما نونه دي هند صغنونة عربيتها مركونة... بميتين الف بس زعلانين ليه دي فلوس ماما نونه... ومش مشكلة لما يتاجل ماتش والف ماتش وماتش...طالما البيزنس ما ماتش.. وده بعض من ما عنده والي عنده يدي للماعنده.

ام اتباع زهورة من رؤساء لجان جبلاية القرود وفروعها المنشورة وفضايحها المشهورة..عيون بجحة ووشوش كلحة...؟

ومنهم الغندورة المتغندرة بجمال ابوها وامها...ورش كلونيا على خالته كوريا...والاسباني معرفوش مفهموش واغمض عيني وجونهم محسبوش لانهم عالم ما بيرشوش...ويقولوا ولا ما يقولوش ويشاوروا ولا ما يشاوروش... وكلامهم ابدا ماردوش ليفضحوني ويجرسوني لانهم عالم مابيكشوش ولا يخافوش..لكن جوزيه ان اتكلم هاسلط على الاهلي خفافيشي الي بيهم نافش ريشي...ريشة ريشة يطلع الاهلي من الكاس..ولعيبته في الملعب تداس... ضرب وشلاليت وتكسير وفتوات وناقص يجيبوا فاس...ونحيي ذكرى الحكم الامراتي ومحدش يقول دي من مجاملاتي ما انا بعدها رايحلهم ولجنة حكام في بطولتهم ماسكلهم..وقابض الثمن بريالهم الامراتي... نرجع ونقول واولها في الدوري ماتش المصري ونظرة يا متولي اوفسايد ولا اون سايد عادي خلي سايد ينبسط...واخرها في البلدية بايدي مش بايد الحكم...ونظرة يا شامي امانة عليك حكامي...يا غندرة الريحة فاحت اوي واسال اتحاد الشرطة ولا المنصورة والحمامات.. وهنروح بعيد ليه ما تشوف عودة المصري والزمالك..والغي يا عودة باع ارضه ده الدوري لسه في الملعب.وترجع تقولي الا الذمم... عيني في عينك كده...خليتوا الخواجة
المصري جوزيه لطم....

ومنهم فساد حسنه لصلاح جيبه وان مكنش جيبه يبقى تصفية حسابات..وعلى وشك يبان يا نداغ اللبان...وبان موضوع حسني عبد ربه والبهوات...هات هات هات ...كانت بطاقته طايرة لاستراسبورج صاحب الحق والمستحق..مكالمة واحدة من كومي الكوتشينة الصفرا...وعقد عمل صوري بحوالي نص مليون جنيه للبيبي احمد فساد حسنه..واه يشم شمام يومين وياكل مانجة...ما هوه اصله في اللعب مالوش لازمة...لكن اللازمة ان بطاقة حسني تقعد ومتطيرش...واضغط يا ابني وشيلولوا تابوت...يمكن يخاف ويرجع جزمة وميطرش...اعملك انا اشارة جوزيه ولا تعملها انت لنفسك...ونيجي لحكاية الواطي ويختفي جواب صهيون وميطلعش الا بعد ما يهرب الواطي ونقول اه ده بقاله تلات ايام معلش اصله راكب سلحفة...وغيره وغيره..اعملك انا تاني اشارة جوزيه ولا تعملها انت تاني لنفسك.

والبيه بتاع لجنة المسابقات..هات هات هات ..اسد على جوزيه نعامة على من سواه ...كيل بمكيالين مكيال لجوزيه والاهلي ومكيال للي تحبه العين ويراعيني بدل القيراط قيراطين..وهتعمل ايه ما انت عبد السيد..ومن شابه السيد فما ظلم..مشفتش حسام ..متولي..جمهور الاسماعيلي...مشفتش الحكام وعمايلها..

جوزيه لقد فجرت براكين الغضب داخل الشرفاء واصحاب النخوة وحركت بداخلهم ما كان ساكنا ومكنونا ...هل هي اشارة لنا لنقول
ماصبرنا على ان نقوله...؟

فهمنا الاشارة يا بطل يا قائد يا مغوار وسنقول ولن نسكت وسنفضح ولن نصمت...وعمر ابدا الي فات ما هيكون مات...هنحيه ونعيد ونزيد فيه...

جوزيه ان العشرين الف جنيه الغرامة هي عشرين الف وسام ووسام للشرف والكرامة يضعها على صدرك جميع المصراوية الاهلاويه الشرفاء...

جوزيه ان المبارتين الايقاف هما قلادتان ووشحان تتقلد بهما ...قلادة النيل يا شارب من مية النيل..وقلادة الزمن الجميل زمن العيب والحلال والحرام..

اما انتم يا من تريدون محاكمة الشرفاء بعد ان انقلب الهرم وخربت الذمم فحاكمونا قبل ان تحاكموه...وها نحن نقول الى من يهمه الامر
نيابة عن جمهور الاهلي الاصيل الشريف الذي فاض به الكيل من ما يراه على الساحة الرياضية من فساد وخراب ودمار ..نقول لهم
ضعونا مع جوزيه في بوتقة واحدة وانتم تحاكموه فانه شرف لنا ان نقرن اسمائنا باسمه...وسنظل نكرر اشاراته امام كل فاسد مرتشي
منافق متلون ولن نخاف...وستكون اشاراته رمزا لنا ضد حداية وامثاله من اعضاء الجبلاية من افسدوا علينا قيمنا ومبدئنا...وعاش الاهلي عاش بادارته وجمهوره وعلى راسهم جوزيه...قصدي المعلم بضم الميم جوزيه.

ايه رايكم فى الكلام ده
مش صح
م ن ق و ل

_________________

عادي خالص
يبقي انت اكيد في مصر
الرشوة في كل حته

_________________
اللهم ارزقني الخير وما اتمني

ولو تحركت الشمس من اليمين الي الشمال!!!!!
ولو تخلت الاهرام من حجرها المتين!!!!!!!!!
ولو عاد كل صهيوني الي بطن امة جنين!!!!!!
لن اتخلي عن شبر واحد من ارض فلسطين؟؟؟؟؟؟

والله ياولاء انتى لخصتى كل اللى بيحصل فى مصر فى الكلام البسيط اللى انتى قولتيه ده
وده مش فى الكوره بس ده دلوقتى فى كل حاجه نظرية الكيل بمكيالين
بقينا دلوقتى عاملين زي امريكا
وان كان جوزيه غلط فكلنا شفنا حسام حسن عمل ايه فى ماتش المصري والزمالك
ده كان ناقص يضرب الحكم
على العموم دي دلوقتى مش حاجه غريبه فى الزمن ده وفى الوقت ده
ربنا يستر بقي بعد كده

وشكرا ليكي كتير ياولاء
_________________

اشكرك جدا على موضوعك
انتى بصراحة جبتى كل فضايح الكورة ووضحتى انهم جميعا بيحاربوا الاهلى وللاسف منهم كتير من ابناء النادى اللى له الفضل عليهم
شكراااااااااااااااااااااااااااااااااااااااااا
_________________